Nýjasta myrka furðuverkið frá meistaranum Robert Eggers hefur svo sannarlega verið á vörum margra nú í byrjun nýja ársins. Á meðal þeirra sem sitja ekki á skoðunum sínum eru Bíófíklarnir Kjartan og Tommi sem nú taka á móti Krumma Laxdal, kennara, listamann og sérfræðing í vampírufræðum…
Margir vilja meira að umrædd kvikmynd sé með betri aðlögunum á ‘Drakúla’-sögunni þó meginstraumurinn hefur gjarnan mikið klórað sér í hausnum yfir velgengninni.
En hvernig stenst Nosferatu samanburð við fyrri verk leikstjórans? Er myndin meira í stílnum en sögunni? Gengur hún upp sem hrollvekja eða mögulega eitthvað allt annað eða jafnvel miklu meira en það?
Opnum líkkisturnar, skellum okkur í períóduvæna búninga og könnum málið.
Efnisyfirlit:
00:00 - Krummi langi
07:46 - Saga Nosferatu
14:46 - Filmógrafía Eggers
22:50 - Nýja túlkunin
35:20 - Tónn og stíll
49:08 - Meira er meira
01:04:05 - “Ekkert glimmerkjaftæði”
01:09:02 - Að beisla eitthvað óbeislað
