Splunkuný endurræsing á Ofurmenninu hefur nú litið dagsins ljós og í senn glænýr bíóheimur frá DC stúdíóinu. Tímasetningin á þessu re-brandi kemur á besta tíma af því að dæma hvað MCU-heimurinn hefur verið í mikilli lægð, að margra mati. En hvað er það sem hefur gert Súpermann að einni ef ekki allra þekktustu ofurhetju dægurmenningar fyrr eða síðar?
Gísli Einarsson, eigandi Nexus (og mörgum kunnugur sem ‘Gísli í Nexus’) er sestur í stúdíóið sem einlægur gestur Bíófíkla að sinni. Saman ræða þeir Kjartan og Tommi söguna af Superman í gegnum poppkúltúrinn, myndasöguræturnar, bíómenningu víða og - vitaskuld - útkomuna á Superman frá James Gunn. Hvort þetta fljúgi, falli eða lendi einhvers staðar í miðjunni.
Búast má við djúpu kafi og ómótstæðilegum nördalegheitum.
(Spillar hefjast frá '01:17:00')
Efnisyfirlit:
00:00 - Bíódreifing í denn
06:28 - Nálgunin ‘78
11:19 - Að mynda sér skoðun fyrirfram
16:40 - Superman í myndasögunum
23:33 - MCU eins og við þekkjum í dag
37:25 - James Gunn og Zack Snyder
53:04 - Að gyrða sig í ofurbrók
01:05:31 - Tengsl við persónur
01:17:00 - Ath. Spoilerar héðan í frá…
01:29:13 - Hlélaust bíó
01:34:00 - Samantekt
