Der wurdt wol skreaun yn de Bildtske taal: oant ferline jier wie dêr noch de Biltse Post en der binne kollumnisten dy't Bildtsk skriuwe. Mar in Bildtske roman wie der noch net. Dat is feroare, no't Gerard Marcel de Jong - de eardere haadredakteur fan de Biltse Post - syn roman "Blau fan dagen, griis fan ônrust" skreaun hat. De roman spilet foar it iene part op it Bildt en foar it oare part yn Baskenlân, dêr't de Jong foar it projekt 'oare wurden' twa moanne wenne hat. Buro de Vries prate ôf mei Gerard de Jong foar in kuier oer de seedyk by Westhoek.
