Buro de Vries giet dizze simmer mei bekende, âldere Friezen werom nei it doarp of de stêd dêr't se opgroeid binne. Dêr wurde herinnerings ophelle en prate we oer it Libben. Mei aktrise Marijke Geertsma binne wy yn Jobbegea tredde slûs. Se fertelt oer har bernejierren, har karriêre as beukerjuf en aktrise, it al of net skieden hâlden fan privee en wurk, gelokkige tiden, drege tiden en de lessen dy't se leard hat.
