Sy wie in wrotter, sy wie altyd oan it bealgjen. Maaike van Dijk fan Koarnwert libbe mear as 60 jier op it plak dêr't se ek ferstoar, op Boeyenkamp. It wie in pleats op 'e romte, ûnder de reek fan Makkum. Op har 19e kaam Van Dijk der mei har man Ate op de buorkerij, dêr't se de kij tegearre melke soene. Letter waard de pleats omboud ta maneezje. Dat is it no noch altyd. Mar sûnder Maaike. Sy ferstoar op 10 novimber 2023. Mei dochters Swaen en Gerlanda, beppesizzer Friso en meiwurker Jantine makken we in Yn Memoriam fan dizze bisûndere frou.
