CON SÀO VÀ PHÚ ÔNG. NEKAZARIA ETA TXORIA.
Bazen behin pobrea zen nekazari bat. Zauritutako txori bat aurkitu zuen, eta bere etxera eraman zuen sendatzeko. Handik gutxira, txoria sendatu egin zen, eta esan zion:
- Zuk egindakoaren ordaina jasoko duzu. Eta hori esanda, hegan joan zen.
Nekazaria bizi zen herrian ere, bazen aberatsa zen gizon bat. Oso aberatsa zenez, egunero bere bitxiak bandeja batean eguzkitan jartzen zituen.
Egun batean, txoriak, gizon aberatsak bere bitxiak eguzkitan jartzen zituela entzun zuen. Beraz, egunero, nekazariari gizon aberatsaren bitxi bat ekartzen zion. Horrela, nekazaria aberastuz joan zen.
Beste egun batean, txoriak nekazariari esan zion beraien Jainkoaren irudia zegoen ermitara joateko janariarekin.
Esan bezala egin zuen nekazariak. Hurrengo egunean berdin, baina hurrengoaren hurrengoan, fraile izatera joateko eskatu zion. Eta nekazaria fraile bihurtu zen.
Handik egun batzuetara, txoriak, iruzurra egin ziola esan zion lehen nekazari izandako fraileari.
- Zu izan zinen ni zauritu ninduena, ez zara gogoratzen? Gero itxurak eginez, ni sendatzen saiatu zinen. Esan nizun, zuk egindakoaren ordaina jasoko zenuela!