VOOR DIENS: Gesang 95
Ons Vader wat woon in die hemel,
geheilig sy u Naam.
Laat u ryk kom, u wil geskied
soos in die hemel so ook op die aarde.
Gee ons vandag ons dag se brood
en vergeef ons al ons skulde,
net soos ons vergewe
dié wat teen ons sondig.
Laat kom ons nie in die versoeking,
maar verlos ons van die bose.
Van U is die ryk en die sterkte en die ere,
vir ewig en ewig, amen.
Vir ewig en ewig, amen.
IN ONTMOETING
Votum en seëngroet
Die Lam wat geslag is, is waardig om te ontvang die krag en rykdom en
wysheid en sterkte en eer en heerlikheid en lof. (Openbaring 5:12)
Loflied: Psalm 100
Juig al wat leef, juig voor die Heer!
Dien God met blydskap, gee Hom eer;
kom nader voor sy aangesig,
en prys Hom met ‘n lofgedig.
Die Heer is God, erken dat Hy
‘n eie volk vir Hom berei,
‘n volk om Hom te dien en vrees
en skape van sy wei te wees.
Gaan deur sy poorte in met lof,
met lofsang in sy tempelhof;
kom in sy huis, o bondsvolk saam;
verhef sy lof en prys sy Naam.
Want goedertieren is die Heer;
sy goedheid eindig nimmermeer;
sy trou en waarheid hul hou krag
tot in die laaste nageslag.
Één in Christus
Apostoliese Geloofsbelydenis
IN VEROOTMOEDIGING
As ons sê dat ons met Hom gemeenskap het en in die duisternis wandel, dan
lieg ons en doen nie die waarheid nie. Maar as ons in die lig wandel soos Hy in
die lig is, dan het ons gemeenskap met mekaar; en die bloed van Jesus
Christus, sy Seun, reinig ons van alle sonde. (1 Joh. 1:6, 7)
Bewustheid van die sonde
Psalm 14:2, 3
Skuldbelydenis: Psalm 7:1
HEER, my God by wie ek skuiling,
redding soek – my teenparty
wat my jaag op al my spore,
dring gedurig naderby.
As u hand my nie verlos nie,
sal hule lewend my verslind,
soos ‘n leeu die arme skaaplam
wat hy sonder herder vind.
Genadeverkondiging
As ons ons sondes bely, Hy is getrou en regverdig om ons die sondes te
vergewe en ons van alle ongeregtigheid te reinig. (1 Joh. 1:9)
Antwoord op die genade: Gesang 187:3
Aan sondaars gee U vrede,
Ons straf het U gedra,
mishandel, onderworpe –
Gods Lam op Golgota.
Ons buig in dank, o Here,
al kan ons nie verstaan
dat Jesus vir die sondaars
op só ‘n pad wou gaan.
WOORD EN SAKRAMENT
Gebed
Skriflesing en prediking: Johannes 1:29 – 34
Lied voor die tafel: Gesang 288:1
Kom, laat ons saam tot Jesus nader –
met blye uitsig op ons lot!
Hy het die heilsplan van die Vader
vir sondaars reeds volbring by God.
Sy werk van goddelike waarde,
die eeue deur met hoop verwag,
het Hy volbring: Loof, hemel, aarde,
loof Hom, die Lam vir ons geslag.
AAN TAFEL
Lof na nagmaal: Gesang 40:2
Loof Hom, die Lam van God, want Hy’s vir ons geslag.
Hy het ons met sy bloed gekoop; besing sy reddingsmag.
Uit elke stam en taal het Hy ons vrygemaak;
sy koninkryk, sy priesterdom – dít het Hy ons gemaak.
IN ANTWOORD
Dankoffer
Slotsang: Gesang 221:4
Die Lam van God sien al ons nood
en neem op Hom ons sonde.
Ja, liefde, onbegryplik groot,
Bloei vir ons uit sy wonde.
Seën
