「我覺得今次唔係個人嘅勝利，而係屬於我哋香港人嘅勝利。因為我哋證明到，香港其實仲係有公義嘅，只要我哋肯去爭取、肯去發聲，香港仲係一個有公義嘅社會，呢樣嘢嗰個滿足感係大過個利益。」——何媽媽
啱啱過去嘅 AIA 友邦熱氣球嘉年華，因為政府牌照問題搞到成城熱話。何媽媽嘅「兩分鐘爆罵」，幫好多失望嘅香港人出咗一口氣，短片一夜之間瘋傳，由雪糕券到最後退款，唔單止幫到大家拎返錢，仲講到成件事係「香港人嘅勝利」。差唔多同一時間，葵涌廣場一名南亞裔銷售員鬧警察又引起關注——佢嘅行動，又算唔算係幫大家出咗一口氣？
今集我、Samuel 同 Sharon 一齊吹下：
點解何媽媽會變成大家心目中嘅「師奶英雄」？
香港人對「公義」嘅想像，點解會畀呢啲商業事件 trigger？
香港「師奶」同美國「Karen」有咩唔同？文化語境點樣影響解讀？
南亞裔青年 vs 師奶：邊個先代表香港？種族同性別點樣影響團結嘅界線？
我哋講嘅 Solidarity，最後係咪都只係為自己利益，互相利用？
錄音日期：2025 年 9 月 7 日
—
《For Example：一個政治不正確嘅香港 DEI podcast》
主持：Sharon Yam、Kennedy Wong、Samuel Chan
