Далягляд S2#6: Марыя Карнеенка

Description

Марыя Карнеенка — беларуская візуальная мастачка, якая працуе з фатаграфіяй, сучасным мастацтвам, калажамі і мак’юментары. Менеджарка Беларускай фатаграфічнай платформы ФШ1. Зараз жыве і працуе ў Варшаве. Марыя вучылася ў Школе фатаграфіі ФШ1 (Мінск, 2016), а таксама ў Школе сучаснай фатаграфіі ДокДокДок (Санкт-Пецярбург, 2019).

Яе працы былі прадстаўлены ў Нацыянальным цэнтры сучасных мастацтваў у Мінску (2020), на Riga Photomonth (2021), на фестывалях Rise of Culture (2024) і Święto Fotografii (2024) у Польшчы.

У 2020 годзе яе партфоліа было асобна адзначана ў межах конкурсу Blurring the Lines.

https://www.instagram.com/maryia_karneyenka/

У шостым эпізодзе другога сезона Марыя распавядае прадгісторыю і кантэкст стварэння фотапраекта Rattus Sapiens: з чаго пачаліся яе адносіны з пацукамі, пра эмацыйную сувязь з гэтымі жывёламі, пра фантазію, якая дапамгла перапрацаваць даволі складаны досвед непрыняцця пацукоў грамадствам, а таксама пра пошук канцэпцыі праекта; узгадваем дзяцінства і жыццё ва ўяўных мірах; гаворым пра культуру зваротнай сувязі; абмяркоўваем праект Марыі «На разломе часу», досвед супрацы з выдавецтвам Тамака, працэс стварэння фотакнігі Rattus Sapiens. Таксама ў падкасце ўздымаецца тэма культурнага менеджменту: у чым сутнасць гэтай працы і ці атрымліваецца спалучаць яе з асабістай аўтарскай практыкай.

Яўген Атцецкі

https://www.instagram.com/yauhen_attsetski/

Кацярына Кузьмічова

https://katerinakouzmitcheva.com/

https://www.instagram.com/katerina_kouzmitcheva/

Таксама ў падкасце ўзгадваюцца

- школа сучаснай фатаграфіі ДокДокДок і Феадора Каплан

- Артур Бондар і яго праект «Цені зоркі Палынь»

- Журналістка, фотакрытык і кніжны рэв’ювер Вольга Бубіч

- Выдавецтва Тамака

- Дызайнерка фотакніг Ганна Наленцка-Мілах (Ania Nałęcka-Milach)

- Пісьменніца і журналістка Таццяна Заміроўская