Lukas 2:8-11 Daar was skaapwagters in daardie omgewing wat in die oop veld gebly en in die nag oor hulle skape wag gehou het. Meteens staan daar 'n engel van die Here by hulle, en die heerlikheid van die Here het rondom hulle geskyn. Hulle het baie groot geskrik. Toe sê die engel vir hulle: “Moenie bang wees nie, want kyk, ek bring vir julle 'n goeie tyding van groot blydskap wat vir die hele volk bestem is. Vandag is daar vir julle in die stad van Dawid die Verlosser gebore, Christus die Here!
Wanneer 'n koninklike kind gebore word, is dit 'n tyd van groot feesviering. En dit was beslis die geval toe Prins William, die huidige opvolger van die Britse troon, op 21 Junie 1982 gebore is. So, wie dink jy was die eerste mense wat hom besoek het?
Wel, dis nie ’n moeilike vraag nie, nè? Dit was Koningin Elizabeth die Tweede en haar man, die Hertog van Edinburgh, ander lede van die koninklike familie en goeie vriende ... en dis presies wat jy by die geboorte van die toekomstige erfgenaam van die troon sou verwag.
Nouja, wie was die besoekers by die Koning van konings, die Here van heersers, die Messias, die Verlosser van die wêreld, toe Hy gebore is?
Lukas 2: 8-11 Daar was skaapwagters in daardie omgewing wat in die oop veld gebly en in die nag oor hulle skape wag gehou het. Meteens staan daar 'n engel van die Here by hulle, en die heerlikheid van die Here het rondom hulle geskyn. Hulle het baie groot geskrik. Toe sê die engel vir hulle: “Moenie bang wees nie, want kyk, ek bring vir julle 'n goeie tyding van groot blydskap wat vir die hele volk bestem is. Vandag is daar vir julle in die stad van Dawid die Verlosser gebore, Christus die Here!
Die nuus van Jesus se geboorte is aan uitgeworpenes gegee, nie aan die ‘elite’ nie. God het skaapwagters – nederige, dikwels veragte lede van die samelewing – gekies, nie konings of priesters nie.
Moet asseblief nooit dink dat jy nie goed genoeg vir Hom is nie. Hy het na hierdie wêreld gekom om jou te red.
Dis God se Woord. Vars … vir jou … vandag.
