Edición número 1328 de O Recanto do Corcovado. Puidestes escoitala o venres 2 de setembro por RKV Radio e o sábado 3 por Cuac FM A Coruña e máis a Radio Municipal de Redondela. O mércores 7 entramos tamén a través de Radio Crónica Folk Musical. Con este programa abrimos a tempada 2022-2023 e celebramos 22 anos en antena.
Estreamos as novas músicas de Quico Comesaña (disco destacado da semana), Mondra, Catuxa Salom e Tanxugueiras. Falamos tamén do certame Cantos na Maré 2022. Escoitamos temas de parte dos artistas que forman parte do seu cartaz: Chico César, Capercaillie, Guadi Galego e Ugia Pedreira.
