Edición número 1362 de O Recanto do Corcovado. Puidestes escoitala o venres 28 de abril a través de RKV Radio Vigo, e o sábado 29 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 3 de maio a través de Radio Crónica Folk Musical.
Abrimos o programa dende Galiza: escoitamos os últimos traballos de Fillas de Cassandra, Davide Salvado e MJ Pérez. A seguir, desprazámonos até Brasil para vos presentar os últimos discos de Caixa Cubo e Lucas Santtana. Comezamos o segundo bloque do programa co noso disco destacado da semana. Trátase de "Beit", o cuarto disco dos alemáns Masaa. Rematamos o programa desta semana cun adianto do inminente novo disco dos neozelandeses Circling Sun.
