Edición número 1366 de O Recanto do Corcovado. Puidestes escoitala o venres 26 de maio a través de RKV Radio Vigo, e o sábado 27 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 31 de maio a través de Radio Crónica Folk Musical.
Visitamos propostas asinadas por proxectos de Guadalupe, Finlandia, Sudán, Galiza, Alemaña, Brasil e Bosnia. Abrimos o programa cun adianto do novo disco do combo multicultural Bokanté. Escoitamos a seguir un par de temas do novo dos Wanubalé para, a seguir escoitar as novas músicas de Baiuca —desta volta reinventando un clásico das Leilía— e de Jantra. No segundo bloque do programa presétovos o noso disco destacado da semana. Trátase de “Perintö” (“Tradición”), o novo dos Frigg. Na recta final escoitamos os últimos discos de Damir Imamović e de Letieres Leite coa Orquestra Rumpilezz.
