Edición número 1388 de O Recanto do Corcovado, a derradeira do ano 2023. Puidestes escoitala o venres 29 de decembro a través de RKV Radio Vigo, e o sábado 30 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 3 de xaneiro a través de Radio Crónica Folk Musical.
Escoitamos os novos traballos de Fränder, Rüüt. Johanna Juhola, Northflip, JPP & Panu Savolainen e Vilma Jää. Pechamos o ano cun adianto do novo disco de Xabier Díaz e as Adufeiras de Salitre, á venda a mediados do vindeiro mes de febreiro.
