Edición número 1399 de O Recanto do Corcovado. Puidestes escoitala o venres 15 de marzo a través de RKV Radio Vigo, e o sábado 16 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 20, tamén de marzo, a través de Radio Crónica Folk Musical.
Dividimos o programa en dúas partes diferenciadas. Na primeira descubrimos dúas das últimas producións do selo alemán Traumton. Trátase dos novos discos do pianista suízo Florian Favre e do vibrafonista noruegués Karl Ivar Refseth. Na segunda parte do programa facemos o propio cos últimos lanzamentos do selo finlandés We Jazz: ademais de preventarvos adiantos dos que van ser os novos discos de Olli Ahvenlahti e dos Goran Kajfeš Tropiques, estreamos oficialmente os últimos traballos de Jonah Parzen-Johnson e máis dos Amirtha Kidambi's Elder Ones.
