Edición número 1414 de O Recanto do Corcovado. Puidestes escoitala o venres 28 de xuño a través de RKV Radio Vigo, e o sábado 29 de xuño na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 3 de xullo a través de Radio Crónica Folk Musical e o sábado 6 na sintonía de Rádio Filispim.
Chegamos ao remate da tempada 2023-2024. Pechámola cun programa adicado en exclusica a traballos galegos e portugueses. Moitos deles xa tivemos a oportunidade de escoitalos, outros son novidades: preséntovos os novos sinxelos de Luis Peixoto e de Antía Muíño, desta volta ben acompañada polo dúo Caamaño & Ameixeiras. Completamos o repertorio do programa con Terrae & Nastasia Zürcher, o proxecto Maré, Sús, Maricarme, A Pedreira e o libro-disco “Oceanoe: travessia polo mar das Antelas”, editado pola Arca da Noe. Volveremos con todas e con todos vós no vindeiro mes de setembro.
