Edición número 1457 de O Recanto do Corcovado. Puidestes escoitala o venres 27 de xuño a través de RKV Radio Vigo, e o sábado 28 na sintonía de Cuac FM A Coruña, Rádio Filispim e da Radio Municipal de Redondela. Pechamos a rolda de emisións o mércores 3 de xullo a través de Radio Crónica Folk Musical.
Chegamos ao remate da nosa tempada 2024-2025. Como é habitual no Corcovado, consagramos o programa a novidades chegadas ás nosas mans nas últimas semanas a través de varios dos nosos selos discográficos de referencia: Lovemonk, Agogo Records e Real World, entre outros. Parte destas novidades son sinxelos independentes ou adiantos discográficos —Lontras, Charlie Chimi, MJ Pérez, Sinouj, Clara Serra López—, mais outras pertencen a discos xa editados oficialmente —Gyedu-Blay Ambolley, The Jade, Bruno Repsold Quintet, Noa Lur—. Volveremos a primeira semana de setembro.
