Francisco Couselo reuniu nos estudios de RADIO NOVA para o programa CAZA E NATUREZA aos principais responsables da organización da Feira de Caza, Pesca e Natureza que terá lugar desde o xoves 8 ata o o vindeiro domingo día 11 de xuño, dentro da Semana Verde de Silleda. No estudio estiveron o director da Semana Verde, Ricardo Durán, o responsable do evento de Agility, Carlos Souto, e de tiro con arco, Pedro J. Martínez. Momentos antes Paco Couselo entrevistou por teléfono á directora xeral de Patrimonio Natural, Ana María Díaz, que se atopaba nun acto oficial por mor do Día Mundial do Medio Ambiente en Corrubedo celebrando o 25 aniversario da súa creación como parque natural.
