New Yorkera itzultzeko eguna dugu gaur astelehena. Udako Euskal Herriko egonaldia bukatu eta udatzenari han ekiteko. Gezurra dirudi, seigarren ikasturtea dagoeneko. Zaila izaten da partitzea. Gure aita zenak hemezortzi egun ematen zituen itsasoan lanean eta hiru atseden egun lehorrean. Hiru horietatik hasierako eguna eztanda bat izaten zen, zorionekoa. Bigarrenenerako baina hasten zen pentsatzen biharamunean itsasoratu egin behar zela. Eta hirugarren eguna goibela izaten omen zuen oso. Hori kontatu berri dit amak.
