Asteazkenean Andrew Cuomo gobernadoreak bigarren fasera pasatzeko prest gaudela jakinarazi zigun. Ezin nuen sinestu. Luzea izan da bidea, eta nekeza. Gaineratu zuen ostiralean emango zuela azkenengo eguneroko prentsaurrekoa. Ehun eta hamaika egunez egon da Cuomo egunero coronavirus-aren berri ematen, datuak eman eta hiritarrei adorea helarazi nahian. Eguneroko prentsaurrekoa bertan behera uzteak esan nahi du beste garai batera pasa garela.
