A deseñadora e costureira, Patricia González, do taller de Saiáns, fala da creación de novas prendas, inspiradas no traxe tradicional galego, pero de uso contemporáneo e actual. A chaqueta que fixo, baseada nun cadro do pintor Álvarez de Sotomayor, triunfou en Fitur, igual que outra das súas chaquetas, que non pasou inadvertida nos Goya. É unha das principais expertas na vestimenta tradicional galega e é a responsable de que os vigueses non vaian disfrazados á festa da Reconquista.
