"هو انتي ليه شبه الزمن ؟! .. كل اما يمشي بحن ليه ..."
الجملة دي بتلخص فترة كبيرة من حياتي , و الاغنية دي عاشت معايا الفترة دي و سندتني في مواقف كتير جدا .. كلمات صديقتي المبدعة "سمر طارق" قدرت توصف حالة من التوهان بنمر بيها كلنا في فترةٍ ما في حياتنا , فترة مكتوبة علينا كلنا تقريبا , بس فترة بنتعلم فيها كتير اوي , عن نفسنا , و عن اللي حوالينا ..
خلوني انهي كلامي بفقرة صغيرة من كتاب صديقة عزيزة جدا عليا "بسنت علاء" و اللي اسمه بكل بساطة " ابسطهالك " ..
بسنت كتبت :
" اول خطوة من خطوات الحب .. هي انك تمسح الصورة الخيالية اللي انت راسمها عن الشخص اللي قدامك (اياً كانت حلوة او وحشة) .. و تشوفه زي ما هو .. و تبدأ ترسم الصورة دي من تاني بقلم "رصاص" .. مش عيب انك تفضل تمسح كتير .. العيب انك تحكم علي اللي قدامك من رسمة مش واضحة .. متستاهلش حتي انك ترسمها بقلم "جاف" .. "
"رسام"
كلمات : سمر طارق
الحان و توزيع : عمر الشافعي
هندسة صوتية : علي حازم فاروق
تم التسجيل في : Kick Studio
Design by : Marwan Mostafa
