الكوكب
الكوكب كِترت أوحالُه
والأوحال محتاجة لولعة
والإنسان مش واخد بالُه
أصلُه يا عيني مجرَّد سلعة
والسلعة محتاجة تسويق
والتسويق عايز إعلان
والإعلان محتاج تزويق
والتزويق عايز فنان
والفنان دايماً مذعور
بينفذ أمر السجَّان
والسجَّان عبد المأمور
والمأمور دايماً شبعان
المأمور من غير إحراج
لامؤاخذة فـ إيدُه الكُرباج
على ضَهر الكوكب بيدور
بيلسوَع ويطُق شرار
والحاشية تألف أشعار
على صوت كرباجُه المسعور
________________
كلمات والحان : أنطونيوس نبيل
توزيع : وليد ميمني
