आदि: बोकर भाषा - "शुभ समाचार"।mp4 //
1 KORINTH 13 - Ayange1Ngo tani delokke teyong kotoki gomkorlok tatporupe rííyi rííyola potokom ayang kamamílo, ngo muuyar peena ekung kísa demangkom rímyar peena taalé kísa. 2Ngo polupoor bona amanem paaduakom takamem kénnamem kénla delokke kénpí manam arang atíem kéndokom delokke dííte beleng gedope ngokke míngkenge katuakom ayang kamamílo, ngo atísin mang. 3Ngokke bomnam tabungem opan kídíem asampe bisula delokke agísuem emelo melíksula itokom ayang kamamílo ngokke atí are kamang. 4Ayangde doosam gene, remel aapíe. Ayangde nemang, adum ale imang, yidsumang. 5Ayangde kaníímang, mikitmang, marpomang, imemem santí kumang. 6Ayangde atímanamlo erbommang idakkom arolo ashé bosudung. 7Si agínpe mosii sudung, agínpe míída sudung, agínpe míínam sudung, agínpe élgap bomdung. 8Ayangde edílote nyokmane. Idakkom ingkolo polupoor bone duududí, bulu nyokyéku; ingkolo angu agom pona kídíe duududí bulu napkap yéku, ingkolo kénname kadudí dekom nyokyéku. 9Legade ngoluke kénnamsi apíímang, 10idakkom edílo aropak apíínade pííyédí apíí manade nyokyéku. 11Ngokke koope idungem, ngo koo kísape poto, ngo koope míísuto, ngo koo akorpe ito, edílo ngo siibeng kadí delo koo akorem mepak sutoku. 12Supak ngolu kaadung idakkom kaameng kaayéngdung, delokrongem ngoluke agí mingmue ngeerík sudola kaasuyé. Supak ngo anyongko kéndung; delokrongem ngomteng purape kénnam kísape ngo apíípe kényé.13Delokke supak si angum si dungkai; míngkeng, míínamsunam, delokke ayang. Idakkom sokke botte yalumnade ayangde.
