Formaðurin í Sjálvstýrisflokkinum hevur ikki megnað leiklut sín nóg væl.
Tað heldur Kristianna Winther Poulsen, sum í løtuni situr á tingi fyri Sjálvstýrisflokkin. Hon heldur, at flokkurin hevur nógvar trupulleikar at dragast við, og hon veit ikki í løtuni, um hon fer at stilla uppaftur fyri Sjálvstýrisflokkin.
Sjálvstýrisflokkurin fekk 1290 atkvøður á seinasta løgtingsvali.
Tilsamans fingu tey bæði, sum eru nummar tvey og trý á listanum hjá Sjálvstýrisflokkinum, 445 atkvøður. Jógvan Skorheim fekk 245 atkvøður og Kristianna Winther Poulsen 200 atkvøður.
Flokkurin fekk 4,2 prosent av atkvøðunum á seinasta løgtingsvali. Tinggáttin er trý prosent.
