Løgtingsins umboðsmaður eigur sjálv at taka støðu til, hvørjar partar av CIP sáttmálanum, almenningurin skal fáa innlit í.
Tað heldur løgmansskrivstovan.
Men Sólja í Ólavstovu, løgtingsins umboðsmaður, ætlar ikki at siga Fíggarmálaráðnum, hvat skal strikast.
Vit hava roynt at fingið samrøðu við Marjuna Hanusardóttir, stjóra á løgmansskrivstovuni, hvat hon heldur um, at Fíggjarmálaráðið sendir eina niðurstøðu hjá Løgtingsins Umboðsmanni til hoyringar.
Marjun Hanusardóttir skrivar soleiðis í telduposti í dag:
"Mín stutta viðmerking er, at sum eg skilji, so er Fíggjarmálaráðið farið undir at viðgera áleikandi innlitsmálið av nýggjum, samsvarandi við niðurstøðuna hjá umboðsmanninum. Hvønn arbeiðshátt, Fíggjarmálaráðið velur at brúka í hesum sambandi havi eg, sum er, ongar viðmerkingar til."
Jørgen Niclasen, landsstýrismaður í fíggjarmálum, vil heldur ikki gera viðmerkingar, tí talan er um eitt fyrisitingarligt mál.
Mynd: Sólja í Ólavsstovu, Løgtingsins Umboðsmaður
