- Eg kendi meg væl og gleddi meg at fáa vitjan av øllum Team Rynkeby liðnum, men tá eg súkkli niðri á keiøkinum í Skopun, verður alt knappliga svart.
Soleiðis sigur 56 ára gamli Hans Falkvard Hansen um dagin, tá hann brádliga fekk hjartasteðg.
Í fjør var hann úttikin til at vera partur av føroyska súkkluliðnum, Team Rynkeby, sum umframt at súkkla til París eisini samlar pengar inn til børn við krabbameini og teirra avvarandi.
Men tað var um reppið, at túrurin hjá Hans Falkvard Hansen ikki bleiv til nakað.
Tann 10. mai 2015 fekk hann brádliga ein hjartatilburð. Ein hending sum hevur havt stóra ávirkan á Hans Falkvard Hansen og hansara gerandisdag.
Í Vegamótinum fortelur Hans Falkvard Hansen millum annað um sjálva hendingina, og hvørja ávirkan henda upplivingin hevur havt á seg og familjuna.
