Biographical account of Admiral Yi Sun Sin - Korea’s greatest admiral, narrated in Ilocano. This is second of 3 parts.
EXCERPT:
Daydi SARANGET IDIAY BUSAN ket napasamak idi maika 5 ti Oktubre MIL SINGKO SIYENTOS SIYAM A PULO KET DUAT (1592) iti Kalendaryo Gregoriano
Kalpasan daydi panagsaranget dagiti agkabusor nga armada idiay Hansando iti daydi bulan ti Hulyo, binaliwan dagiti Hapon ti estratehiyada. Inkeddengda ti agi-deliber ti ad-adu a puwersa iti daga ken suplay babaen ti danum idiay akin-Amianan a paset ti Korea ket manipud idiay, ag-martsada nga agturong iti Tsina. Adda idi ti Tsina iti panagturay Emperor Wanli iti kaputotan a Ming. No saan nga agballigi daytoy a stratehiya, mapadaksanto nga agsagaba iti bisin ken iti kaawan pagbiag dagiti tropa ti Hapon idiay Amianan a probinsia ti Joseon. No rautenda ti Tsina, kasapulanda ti sigurado a pakaidalanan dagiti suplayda. Ti alternatibo a plano ket ti panangipauna kadagiti tropa ken suplay babaen ti dalan iti daga. Ngem daytoy a ruta ket binangenan dagiti milisya a Koreano a managan Uibyeong. Adu dagiti sibilyan a Koreano ken monghe ti Buddha a nangiparnuay iti agboluntaryo a milisya a nangra-raut kadagiti Hapon.
Idi nagtengnga ti Agusto, nagatras ti militar dagiti Hapon nga indauloan da Kato Yoshiaki, Kimura ken Okamoto manipud Hanyang ket napanda idiay Gimhae. Daydi armada ti Hapon ket nagatras met a napan Busan ket inpamaysada ti nangpatibker kadagiti posisyonda. Nangibaon ti espiya ni Admiral Yi idiay puerto ti Busan ket naammoanna nga adda agarup UPPAT A GASUT KEN PITOPULO ( 470) a bapor ti gubat dagiti Hapon idiay. Pammati idi ni Admiral Yi a dagidi Hapon ket agsansanuddan a mapan idiay pagilianda. Kiniddaw ngarud kenkuana ti gobernador ti probinsiya ti Gyeongsang a bangenanda daydi paglasatan dagiti Hapon iti taaw. Iti kasta, pinagsugpon manen ni Admiral Yi daydi armadana ken dagiti armada nga iggem da Won Gyun ken Yi Eok Ki. Nagbilang ti SANGAGASUT KEN INNEM A PULO KET INNEM (166) a bapor dagidi napagtitipon a puersada a Joseon. Iti daydi panagturongna iti Busan, pinarmek ni Komander Yi ti DUAPULO KET UPPAT (24) a bapor ti Hapon idiay Seopyeongpo. Namin-ano a pinarmek daydi napagtitipon nga armada dagiti Koreano ti armada nga Hapon gapu iti pannakasanay dagiti Koreano ken gapu kadagiti kanyon nga iggemda.
CONTINUE WITH PODCAST FOR THE FULL Part 2 (of 3 parts) EPISODE.
