Historical narrative about the expedition of Ernest Shackleton in Antarctica in 1914-1916. This story tells of the extra-ordinary and heroic feats the expedition crew suffered and endured. This is the TENTH (10th) of the 11-part series narrated in ILOCANO.
EXCERPTS:
"PANNAKASARABO IDIAY PUNTA ARENAS (CHILE): Nalapunos dagiti naarayat iti ragsak ken pannaka-bang-ar. Ngem naikawa dagiti tiyanda iti umuna a pannanganda idiay gapu iti panagimres dagiti tianda. Saan met a nagbayag ken nakabawida met laeng.
Adda dagiti saan a nakaturog iti nagpatnag iti daydi umuna a rabii ket nag-rag-rao ti riknada a dim-dimngeg iti nakaay-aywanda nga ungor ti motor imbes nga arit-it ti marsaak a hielo, parsiak ken sipat ti agbettak a dalluyon iti nag-hielo a takdang wenno ti danarudor ti niebe a mai-yangin iti napegges ken napigsa. Rinambakanda ti aldaw a maika TREYNTA (30) ti Agosto a piesta - aldaw ti idadateng ti arayat kadakuada.
Nasabetda ti panagdakes ti panawen iti daydi panagsublida idiay Punta Arenas. Ngem nabaelan daydi bapor nga linasatan daytoy ket nakagtengda iti Rio Seco idiay Punta Arenas iti agsapa ti maiKATLO (3) ti Setyembre. Apagsangpetda, tinawagan ni Ernest ti gobernador ti lugar ken dagiti gagayyemna.
Dagus a nangipatulod ti kablegrama ni Ernest iti asawa na a ni Emily, ket kinunana , “ Naiyaramidko… Awan ti uray maysa a biag a napukaw numan pay impiyerno ti naglasatanmi. Saanen nga agbayag ket makaawidakton ket kalpasanna aginanaak… I-pagteng mo ti ayat ken agekko kadagita ubbing.”
Naipan met a dagus ni Blackie iti hospital gapuen ti sagsagabaenna a pannangan ti lamiis iti sakana.
Inwaragawag dagiti polisya ti isasangpet ti Yelcho ken dagidi napanna inarayat idiay Elephant Island. Nagwaras a kasla uram ti damag. Pinagunida dagiti sirena nga alarma ti uram. Nagpangato dagiti bandera, naguummong a nagpresenta dagiti brigada ti Apuy, batalyon dagiti soldado, pulisya, ti Cruz Roja (Red Cross), dagiti iskaut ken dagiti banda ti musiko.
Rimmuar dagiti umili kadagiti pagtaenganda ket nagbalin a dakkel a padaya dagiti napartuat kadagiti dalan. Nasangaili dagidi kasangsangpet kadagiti pribado a pagtataengan ket apaman idi a simmangpetda, naurnosen dagiti pannakaited dagiti maiserbi kadakuada – manipud arwaten agingga iti pannakatamingda iti barberya.
Nagnay-nayon daydi a panagrambak a nakaibanagan pay ti prosisyon dagiti makipagili idiay Punta Arenas a kinanunongan ken indaydayawan dagiti opisyales ti gobyerno. "
"...Inurnos ni Ernest ti daras a panagawid dagiti naarayaten a kameng ti Partido Endurance idiay Inglatera agsipud ta nagreggetda amin a napan agserbi iti puwersa militar iti daydi manarimaan nga Umuna a Gubat Ti Lubong.
Iti biangna, impangrunana a rinebbeng idi ti panangalawna kadagiti miyembro ti ekspedisyon idiay Partido ti Ross kalpasan daydi pannaka-arayat dagiti taona idiay Isla ti Elepante.
Kadagidi a panawen naipadamagen kenkuana a daydi bapor nga Aurora ket nakemmeg met idi iti hielo ket naiyanud daytoy a naipan iti tengnga ti taaw. Dua kadagiti tao ti naikuyog iti daydi bapor a nabayag a nagalla-alla iti baybay sakbay a nakasubli idiay New Zealand.
Sakbay daydi, nakagteng idi ti bapor nga Aurora idiay Cape Evans iti maika DIYES Y SAIS (16) ti Enero MIL NUEBE SIYENTOS AKINSE (1915) ket idiay ti nangidiskargaanna iti sangapulo a tonelada ti uging ken siyam a pulo ket walo a kahon ti lana.
Kalpasan daydi a panagibabada iti kargamentoda, nagpa-Abagatan ti bapor ket iti maika BEYNTE KUWATRO (24) ti Enero, nakaasidegdan idiay Hut Point. Inurnos ni Mackintosh dagidi sangapulo a nairebbeng a bumaba ket pinagkatlona nga ummong ida. Inkeddeng ni Mckintosh a kapitan ti bapor nga isu ti mangiwanwan iti daydi panagdaliasatda nga agitulod ti suplay kadagiti estasyon..."
PLEASE LISTEN TO PODCAST FOR THE FULL AND COMPLETE EPISODE
