Historical narrative about the expedition of Ernest Shackleton in Antarctica in 1914-1916. This story tells of the extra-ordinary and heroic feats the expedition crew suffered and endured. This is the NINTH (9th) of the 11-part series narrated in ILOCANO.
EXCERPTS:
"...KABAYATANNA IDIAY ISLA TI ELEPANTE: Idi nakaluasen ti James Caird a nagluganan ni Shackleton ken dagiti lima a kaduana, narikna dagiti nabati a daydi nagipatakderanda iti kampo ket nakar-karo ti pannakay-buwangna iti lamiis ngem iti daydi kaaddada iti patag a hielo idiay Weddel Sea.
Nagnay-nayon ti bagyo ti niebe, nag-hielo ti tudo kasta met nga awan sarday ti narungsot nga angin a pasaray nagbalin a napegges nga allawig. Naipupokda iti akikid a kasilpo ti sanglad iti wangawangan ti baybay. Agrukod daytoy ti agarup LIMAPULO (50) a yarda ti nagatiddoganna ken UPPAT A PULO (40) a yarda ti kaakaba ti kalawaan a pasetna.
Napalikmutan iti naghielo a taaw ti sangona ken di-makalay-at a derraas a hielo iti likudanna. Nagnayon a nagubsang ti panawen ket adun dagiti addaan ti di- makarikna a paset ti bagida. Kasakbayan daydi ipapanaw da Ernest, pinadasda ti nangaramid iti kuweba iti asideg a bantay a hielo (gleysyer) ngem saan a nagbalin agsipud ta saan laeng a nagpatinayon a nagay-ayos ti niebe a napan idiay kinalida ngem nagtunaw idi ti hielo iti uneg gapu iti pudot nga aggapu kadagiti bagi dagiti agindeg iti unegna. Immalisda idiay nga ayanda ket immadayoda iti mapagliplippiasan ti danum.
Adda dua nga agassibay a dadakkel a bato ket dagitoy ti pinangpasingkedanda iti binangonda a kuboda. Nangalut-otda iti dalumpinas a batbato iti naghielo a rabaw ti playa ket dagitoy ti pinangkabitida. Binalinsuekda dagidi bilog a Dudley Docker ken Stancomb-Wills ket dagitoy ti pinaginnassibayda a pinagbalin nga atep daydi abongda. Nagngato daydi binangonda iti agarup LIMA (5) a kadapan.
Dagidi kanbas ti tolda ti impalikmutda a diding. Insaluketda ti akinngato a nagsaipan dagiti tolda iti iking dagiti nabaliktad a bilog. Impandagda dagidi gaud iti nagtupi-an ti kanbas a nagdissasay iti daga sada ginaburan dagitoy iti graba ken babassit a bato tapno mapadagsenanda. Inyabbongda a pinagsilpo ti dua a kanbas nga ikamen iti rabaw dagidi nabaliktad nga bilog ket sada sinarikedan dagidi igid iti tekken ken sumagmamano nga akikid a kayo a pinatalgedda iti bat-bato.
Nagbagyo iti rabii ket simrek ti niebe kadagidi abut ken regkang. Sinullatanda dagitoy iti kinabigatanna idi nagkalma ti panawen. Inyaramidanda daydi balayda iti datar a graba nga aguneg iti maysa a kadapan. Nakaanay daydin a mangibael a paglabasan ti agayus a danum nga aggapu iti nangato a disso iti ruar. Ngem idi nganngani agturpos ti panaglam-ek (winter), idi nagurnong ti niebe idiay aglikmut ti abongda ket nag-kangato iti sang-kadapan, nasullatan ti panagayus ti nagdanum nga lamiis ken hielo ket nagurnong iti nagbabaetan dagiti bato iti daydi inaramidda a datar.
Kinasapulan a nangkalida iti abut iti daydi datar a bato tapno karasenda daydi nagurnong a danum. Kadawyan idi nga agarup naginaldawda a nagkar-karas. Impamuspusanda ti saan a panagurnong ti agos iti daydi datarda ket nangikkatda iti paset ti maysa a diding ti abongda sada nangkali ti atiddog a kanal nga indanonda agingga iti danum. Tapno makaseguroda, kinanayonda idi a kinalkali ti niebe a nagurnong iti aglawlaw ti abongda kalpasan ti tunggal bagyo a dimteng..."
PLEASE LISTEN TO THE PODCAST FOR THE FULL AND COMPLETE EPISODE
