Inspirational biographical narrative about Mahatma Gandhi in Ilocano language.
EXCERPT:
Mohandas Karamchand Gandhi ti pudno a naganna. Mabigbig a maysa kadagiti kaindaklan a lider nga ispiritwal ken lider ti politika a naiparsua ditoy lubong iti maika- DUAPULO (20) a siglo. Bannuar nga Indiano ni Mahatma ket isu ti arkitekto ken nangidaulo iti nainkappiaan a rebolusyon dagiti Indiano maisupiat iti panangituray ti ganggannaet a gobyerno. Napasamak daytoy a panangsupring ti India iti panangituray ti Britania kadakuada idi umuna a paset ti agpa-duapulo a siglo – MIL NUEBE SIYENTOS TALLUPULO (1930).
Ti pagilian nga India ket adda iti tengnga ti kontinente nga Asia, iti paset a dayaen ti Pilipinas. Inturayan dagiti Ingles daytoy a nasyon manipud idi MIL OTSO SIYENTOS LIMAPULO KET WALO (1858) agingga Agosto MIL NUEBE SIYENTOS UPPAT A PULO KET PITO (1947).
Babaen iti panangidaulo ni Mahatma iti panangampanya maiturong iti waya-waya, nagballigi dagiti umili nga Indiano a nanggun-od iti kabukbukodanda a panangituray iti pagilianda. Daydi sistema nga impakatna iti panagkampanyana ket naiduma kadagiti kadawyan a wagas dagiti dadduma. Nainkappiaan amin daydi tignayna. Impaganetgetna a no sumangoka iti kinadakes, nasken a kumpetka iti natalna agsipud ta no agrungsotka, mapukaw ti napaypayso a kaipapanan ti gandat.
Kalpasan ti mano a tawen a panagkamkampanya dagiti umili, naawatda ti waya-wayada idi MIL NUEBE SIYENTOS UPPAT A PULO KET PITO (1947). Daydi nainkappiaan a resistansia nga impakatda ket innagananda ti ‘satyagraha.’ Daytoy ‘satyagraha’ ket balikas a Sanskrit ken Hindi a ti kaipapananna a konsepto ket ‘manaynayon a panagkapet iti kinapudno.’
CONTINUE ON (LISTEN TO PODCAST FOR THE FULL STORY).
