Inspirational biographical account about Leonardo da Vinci in Ilocano.
EXCERPT:
Ti Maudi A Pangrabii ket ladawan nga aramid ni Leonardo DaVinci. Inpintana daytoy iti laon ti pito a tawen. Iti daytoy nga obramaestana, amin dagiti nailadawan a pigura dagidi sangapulo ket dua nga apostoles ni Jesus ket imahe a napaypayso dagiti tattao a pinilina a nagmodelo para kadagiti apostoles. Daydi modelo ti imahe ni Jesus ti immuna a binirok ni Leonardo DaVinci. Tawen MIL KUWATRO SIYENTOS NUBENTAY KUWATRO 1494 idi inkinomisyon ti kangatuan a turay ti siyudad ti Milan idiay Italia a ni Duke Ludovico Storza ni Leonardo a mangpartuat iti ladawan a napauloan ti “Ti Maudi A Pangrabii.”
Ginasut nga agtutubo a lallaki ti napan nagpalista a nagtarigagay a nagmodelo. Isudat’ nagpilian ni Leonardo iti modelona nga agparang a langa ni Jesus iti daydi nga obra-maestrana. Nasnekan ti panagpilina agsipud ta sapsapulenna ti langa a naindaklan, nasudi ken nalibnos. Ngem narigat a biroken ti rupa a napnuan sin-aw ken kitana ti awanan tugot ti basol.
Naglabas ti mano a lawas a panagbirokna ket nasarakanna ti maysa a lalaki nga agtawen iti sangapulo ket siyam. Addaan daytoy kadagiti birbirokenna a birtud ti langa a maikanada nga imahe a sagrado. Imahe ni Jesus ti kaunaan nga inladawanna ket innem a bulanna nga inaramid daytoy.
Kadagiti sumuno nga innem a tawen, intuloy ni DaVinci nga inaramid ti ladawan. Minaysa- maysana nga inpinta dagiti imahe dagiti apostoles iti kalaksidan ti imahe ni Judas Iskariote. Inkeddengna a ti pigura ni Judas Iskariote ti maudi nga iladawanna. Isunto daytoy ti imahe a pangpinalna iti naindaklan nga obramaestrana. Ni Judas ti apostol ni Jesus a nakitulag ken immawat iti tallopulo a pirak a kasukat ti panangballikog ken panangliputna ken Jesus. (Lagipen a maysa a naasideg a pasurot ni Jesus ni Judas ngem limed nga inturong ni Judas dagidi Sanhedrin a mangsapsapul ken Jesus. Sapsapulenda idi ni Jesus tapno tiliwen ken papatayenda. Intuldo ni Judas no siasino ni Jesus kadagidi mangsapsapul kenkuana idiay Hardin ti GETH-SE-MA-NI, Gethsemane babaen ti panangagekna iti pingping ni Jesus).
Naunday a panawen a nagpili ni Leonardo ti modelo a rumebbeng a langa ni Judas Iskariote. Ti imahe a birbirukenna ket langa nga addaan natangsit, nadawel, nabusor ken nagubsang a rupa. Rupa ti kriminal a managbasol; rupa a namarkaan iti kita ti agum, kinaulbod, ken kinamannulisog ti sapsapulenna. Ngem nupay adu a daras ti panagbirok ti naglabas, nauppapay ta awan ti makitana nga addaan umisu a langa.
Kamaudiananna, adda simmangbay a damag kenkuana. Daydi birbirokenna a kita ti modelo ket naduktalanda iti maysa nga adda iti pagbaludan iti uneg ti daga iti sirok ti siyudad ti Roma. Daytoy a balud ket nasentensiyaan idin a mabitay gapu iti basol a pammapatay.
CONTINUE ON (LISTEN TO PODCAST FOR THE FULL STORY)
