Biographical inspirational narrative about St Anthony of Egypt in Ilocano
EXCERPT:
"... Kristiano nga ermitanyo idi un-unana ni Naindaklan a San Antonio Abad. Isu ita ti maaw-awagan nga “Ama Dagiti Amin a Monghe.” “San Antonio ti Ehipto” ti maysa pay a pakaam-ammoan kenkuana. Isu ti santo a pagkararagan dagiti masakit iti datdatlag a sakit ken kasta met dagiti sakit a maiyallatiw. Mairaman kadagitoy a maikarkararag kenkuana idi ti pannakaagas dagiti agsakit ti ‘ergotism,’ ‘erysipelas’ ken ‘shingles.’ (Ti simtoma ti sakit nga ergotism ket kombulsyon.
Maala daytoy a sakit iti pannakakaan iti bukel a nagtuboan ti buot a managan ‘ergot.’ Dagitoy a bukel a pagtuboan daytoy makapasakit nga organismo ket dagiti bukbukel a magiling nga arina wenno mabellaay nga aramiden a tinapay kas ‘rye,’ ‘wheat’, barley, sorghum ken dadduma pay. Ti ‘erysipelas’ ket nadagsen nga impeksiyon a gapu iti bakterya. Nalabaga a panaglitteg iti kudil ti simtoma daytoy. Pattok pattok a nalabbaga iti kudil iti nadumaduma a paset ti bagi ti simtoma ti sakit a ‘shingles.’ Gapuen daytoy iti ‘virus’ ket isu a makaalis).
Nagbalin ni Antonio a disipulo ni San Pablo ti Thebe, ti asetiko nga ermitanyo a nangirugi iti panagbiag a nasantuan a kas disipulo ni Kristo. Inyaramidna daytoy babaen ti panagbiagna a nanumo ken solitaryo iti disyerto. Ket kas ken Santo Pablo, pinili ni San Antonio ti napan nagbiag nga asetiko ket nagmaymaysa iti disyerto. Daydi a panagbiag ket pudpudno a di panangipaay iti nam-ay iti bukodna a bagi no di ket panagsagaba ti inaklonna. Naindaklan ni San Antonio agsipud ta isut’ nakairugian ti panagbalin ti galad ken aramid a nasantoan a kas wagas ti yaalsa tapno daytoy ti pangramutan iti panangbalbaliw ti pammati ti gimong dagiti makipagili.)
Naiyanak ni Antonio iti di masinunuo a petsa idi PANAWEN A NAGBAETAN TI DOS SIYENTOS LIMAPULO KET DUA (252) – agingga iti DOS SIYENTOS LIMAPULO KET UPPAT 254 C.E. (AD), iti nabaknang a pamilya idiay lugar a Koma nga asideg iti Al-Minya, Heptanomis. Daytoy a pagilian ti managan Ehipto iti agdama.
Idi nagtawen ti AGARAPUP SANGAPULO KET WALO AGINGGA ITI DUAPULO (18 -20) natay dagiti dadakkelna ket naibati kenkuana ti pannakaaywan ti kabsatna a babai. Iti daydi pannakatay dagiti dakkelda, inted ni Antonio dagiti daga a sansanikuada kadagiti kaarrubada. Inlakona dagidi nabati a gamengda ket intedna amin a naglakoanna kadagiti nanumo ken awanan pagbiagan. Impanna ti kabsatna iti maysa a gimong dagiti konsekrado a bibirhen a Kristiano. Inkeddengna a surotenna dagidi sao ni Jesus a kas naisurat: “No essemem ti agbalin a perpekto, mapanka ta ilakom ti adda kenka ket itedmo kadagiti awanan; ket maaddaanka iti gameng idiay langit; ket umayka, surotennak,”...
LISTEN TO THE PODCAST FOR THE COMPLETE AND FULL NARRATIVE.
