Inspirational biographical narrative about St. Anthony of Padua in Ilocano. This is first of 2 parts.
EXCERPT:
"...Naipasngay ni San Antonio a managan Fernando Martins de Bulhoes idiay pagilian ti Portugal idi A-KINSE (15) ti Agosto, MIL UNO SIYENTO SIYAM A PULLO KET LIMA (1195). Naiyanak daytoy iti nabaknang a kaamaan. Dagiti ama ken inana a da Vicente Martins ken Teresa Pais Taveira ket natatakneng a kameng ti alta-sosyedad ti siyudad ti Lisbon nga isu ti nakayanakan ni Fernando. Saanna a kinasapulan ti agtrabaho tapno nagbiag latta koma a narang-ay. Ngem pinili ni Fernando ti nagbalin a padi ken ti nagbiag a nanumo.
Idi MIL DOS SIYENTOS SANGAPULO (1210), agtawen ni Fernando iti sangapulo ket lima (15) ket nagdaliasat daytoy a napan idiay dakkel a siyudad ti Portugal a managan Coimbra tapno agadal iti kinapadi iti komunidad ni San Agustin a ‘Canonici Regulares Ordinis Sanctae Crucis’. Kadawyan a managan daytoy a sekta ti Katoliko Romano iti ‘Crosiers’. Binukel daytoy ti papadi ken hermanos nga agkongregasyon ken nangipakat kadagiti adal ken paglintegan ni San Agustin. Nagnaed idi ni San Agustin idiay Abadia (abbey) ni San Vicente idiay ruar ti siyudad ti Lisbon. Daytoy a gimong ti ‘Crosiers’ ket impundar ti lima a krusado nga indauloan ni Theodorus de Cellis a nagbiag idi MIL UNO SIYENTO INNEM A PULO KET INNEM AGINGGA ITI MIL DOS SIYENTOS TALLO PULLO KET INNEM (1166-1236).
Idi tawen MIL UNO SIYENTO SIYAM A PULO KET MAYSA (1191), isu daydi a tawen ti panaggapu da Theodorus de Cellis a napan kimmadua kenni Emperor Frederick Barbarossa iti maikatlo a krusada idiay Herusalem. Daytoy a krusada ket maikatlo a panagtarigagay ti ummong da Ari Felipe a MAIKADUA II ti Pransiya, Richard (nga UMUNA) 1 ti Inglatera ken Frederick (nga UMUNA) 1 nga Emperor ti Romano Katoliko a mangsubli iti Herusalem manipud kadagiti ima dagiti Muslim. Daytoy ket gapu ta idi MIL UNO SIYENTO WALO PULO KET PITO (1187), kinemmeg ken inokupaan ni Ayyubid Sultan Saladin ti Herusalem. Iti daydi a panagsubli da Theodorus de Cellis, pinilida ti nangbaliw iti biagda ket sinurotda ti biag a nasantoan.
Dua a tawen ti naglabas a nagindeg ni Fernando idiay a komunidad. Idi MIL DOS SIYENTOS SANGAPULO KET DUA (1212), kiniddawna a maiyalis a maipan iti kangrunaan a paset ti kongregasyon - idiay Monasteryo ti Nasantuan a Krus idiay siyudad ti Coimbra. Daytoy ket gapu ta kayatna a maliklikan ti kankanayon a panangbisbisita kenkuana dagiti kaamaan, kakabagyan ken gagayyem ti pamilyana. Nagadal ni Fernando idiay Coimbra ti Teolohiya ken Latin iti daydi walo a tawen a kaaddana idiay.
Kasakbayan ti ordinasyonna, adda idin sumagmamano a nagayyemna a monghe nga agindeg iti monasterio idiay Olivares idiay asideg ti Coimbra. Naipatakder daydi bassit a balay ti ermitanyo a pagyananda a kas daton ken ni San Antonio ti Ehipto. Kameng ditoy ti gimong dagiti pasurot ni Francisco ti Assisi. Maysa idi a nagarapaap nga agbalin a kabalyero ni Francisco. Ngem linipatna daydi nga arapaapna ket nangikeddeng a surotenna ti biag a nasantoan a kas inyadal ni Kristo. Nangipatakder daytoy iti gimong ti prayle idiay Assisi a paset ti Italia idi MIL DOS SIYENTOS SANGAPULO KET MAYSA (1211). Nagdaliasat a napnapan kadagiti adayo ken pasaray napepeggad a lug-lugar a nangaskasaba. Inyaramidna daytoy bayat ti panangaklonna iti biag ti rigat ken iti napasnek a panangsurotna kadagiti pannursuro ni Hesus. Daydi a panagbiagna ket binendisyonan ni Apo Papa Inocencio (A MAIKADUA) II idi MIL DOS SIYENTOS SIYAM (1209) agingga iti – MIL DOS SIYENTOS SANGAPULO (1210).
CONTINUE ON. Listen to PODCAST for the full part 1 episode.
