Historical account about Japan’s Sengoku Jidai narrated in the Ilocano language of the Philippines. This is the 4th of 4 parts.
EXCERPT:
Saan a naaddaan ti anak daydi panagassawa da Nobuyasu nga anak ni Ieyasu Tokugawa ken ni Tokuhime nga anak ni Nobunaga. Gapu iti daytoy, inkeddeng ni Tsukiyama nga ina ni Nobuyasu ken kangrunaan nga asawa ni Ieyasu a mangala daytoy iti agbalin a babai ni Nobuyasu. Ngem ti ginandatna nga alaen ket anak a babai ti maysa kadagiti agserserbi ken ni Takeda a kabusor ni Ieyasu. Naammoan daytoy ni Tokuhime. Naaddaan ti atap daytoy aglalo pay ta kanayon ti panangap-apa ti katuganganna kenkuana. Nangipatulod ti surat ni Tokuhime ken ni amana nga Oda ket nagpulong. Impakaammona daydi naduktalanna. Idi naawat ni Oda daytoy, impakaammona ken ni Ieyasu daydi nailanad iti surat ni Tokuhime. Kas panangipakdaarna iti kinapudnona iti alyansa dagidi kaputotanda, ken tapno mapreserba daytoy, imbilin ni Ieyatsu ti pannakapapatay ni Tsukiyama nga asawana. Napugutan ni Tsukiyama idi maika- SIYAM (9) ti Setyembre, MIL SINGKO SIYENTOS PITUPULO KET SIYAM (1579).
Naipabalud ni Nobuyasu gapu iti kinaasidegna iti inana. Paggammo ni Ieyatsu a rebbengento ni Nobuyasu nga anakna nga ibales ti pannakatay ti inana, iti kasta kinapilitan a binilin ni Ieyatsu ni Nobuyasu a mangiyaramid iti seppuku ket kettelenna ti biagna. Imbanag ni Nobuyasu ti seppuku idi maika LIMA (5) ti Oktubre MIL SINGKO SIYENTOS PITUPULO KET SIYAM (1579).
Idi MIL SINGKO SIYENTOS PITOPULO KET INNEM (1576), pinarugian ni Nobunaga a binangon ti grande a palasyo a managan “Azuchi-Jo-Tenshu’ iti asideg ti danaw a managan Biwa.idiay siyudad ti Azuchi. Isu daytoy ti inkeddengna a sentro ti pangiturayanna. Daytoy a kastilyo ket nagserbi pay a bangen ti kalsada a Nakasendo nga aggapu iti daya ken amianan ket agturong iti Kyoto. Idi Pebrero MIL SING SIYENTOS PITOPULO KET WALO (1578), impaayan ti korte ti Imperio ni Nobunaga iti pammadayaw a kas ‘Daijo daijin’ wenno ‘Kangatuan a Ministro ti Estado.’ Daytoy ti kangatoan a posisyon a maited ti gobyerno. Daydi a panangited ti korte iti daydi a pammadayaw ket pammagustoda ken ni Nobunaga tapno manamnamada a saan a mangiyaramid daytoy iti yaalsa a busor iti korte.
Idi Mayo MIL SING SIYENTOS PITOPULO KET UPPAT (1574), inibbatan ni Nobunaga dagitoy saad a naipaay kenkuana ket inrasonna nga adut’ pakarikutanna kadagidi probinsiya nga iturayanna. In-yallatiwna daytoy a titulo iti anakna a ni Nobutada. Inrugina ti nangigandat iti kampanya a mangpilit kenni Emperor Ogimachi nga agretiro. Ngem saan a nagballigi daytoy.
Idi MIL SINGKO SIYENTOS WALOPULO (1580), bimmallaet ti emperor a nangpasardeng ti panagsinnaranget ti puwersa ni Nobunaga nga idi ket indauluan ni Sakuma Nobumori ken dagiti sekta ti Buddha iti panaginnagawda iti templo ti Honganji (Ishiyama Hongan-ji) idiay Osaka.
Nupay maysa ni Sakuma Nobumori kadagiti kabayagan a samurai ti kaputotan ti Oda ket kanayon idi daytoy a napnapan nagpaay a makigubat kadagiti kadakkelan a pannakilaban ni Nobunaga, saan a naayatan ni Nobunaga iti daydi pannakapasardeng ti ranget. Daytoy ket gapu ta saan a naparmek ni Nobumori daydi sekta a kalabanda. Nupay adda kappia a nagtaud idiay, iti imatang ni Nobunaga ket nakurang ti pigsa ken rungsot ti nakem ni Nobumori a mangidaulo ti gubat. Iti kasta pinapanaw ni Nobunaga daytoy agraman ti anakna a ni Sakuma Nobuhide a napan iti templo idiay bantay ti Koyasan. Pinagbiagna ida idiay a kas monghe.
CONTINUE AND LISTEN TO THE PODCAST FOR THE FULL ACCOUNT IN THIS LAST EPISODE.
