Historical biographical narrative about US President "ABE" Abraham Lincoln in Ilocano version.
EXCERPT:
"... Ni Abraham Lincoln ket pagaammo iti nagan nga ‘Honest Abe” (‘Nalinteg nga Abe’). Mabigbig ni Abraham a maysa kadigiti naindaklan a bannuar iti Estados Unidos. Isu ti nangipakat kadagiti paglintegan a nangikkat ken nangpukaw iti panagadipen kadagiti tattao (slavery) idiay Amerika. Iti kadagidi a panawen ti maikasangapulo ket siyam a siglo, kadawyan idi nga aggatang dagiti nababaknang nga Amerikano iti tattao a naggapu iti Aprika ken dadduma a paset ti lubong tapno pagbalinenda nga adipen a trabahador dagitoy kadagiti nalalawa a dag-daga a sanikuada. Narigat ti pannakatratar dagiti adipen. Kasla da la ayup nga agtrabaho a madusa iti latigo, maum-umsi, magabgabsawan. Awananda ti karbengan ket tagikuaen ida dagiti amoda a kas iti pannakatagikua dagiti ayup ken bambanag nga agserbi.
Iti daydi panagakem ni Abraham Lincoln a presidente, nangiproklama iti paglintegan nga Emansipasyon (Emancipation Proclamation) idi Enero ti MIL OTSO SIYENTOS INNEM A PULO KET TALLO (1863). Manarimaan idi ti panagsinnupiat ti gobyerno ti Estados Unidos ken ti sangapulo ket maysa nga estado ti Amerika a nangbukel iti ummongda a konpederasyon. Isu dagitoy ti: Texas, Arkansas, Louisiana, Tennesse, Mississippi, Alabama, Georgia, Florida, South Carolina, North Carolina ken Virginia. Dagitoy nga estado ket agtalgedda iti adipen a mangtrabaho kadagiti nalalawa a daga nga agpaay iti agrikultura ken panagmula iti kapas, tabako ken dadduma a produkto. Isu dagitoy ti pagbaknangan dagiti tattao kadagitoy nga estado a miyembro ti konpederasyon. No maawananda ti adipen, saanda a kabaelan a talonen dagiti dagada ket kasta met a marpuog ti ekonomiyada isu a simmuppiatda iti Estados Unidos. Nagbanag daytoy a
a gerra-sibil idiay Estados Unidos a nagpaut manipud maika 12 ti Abril MIL OTSO SIYENTOS INNEM A PULO KET MAYSA (1861) agingga iti Abril – Mayo, MIL OTSO SIYENTOS INNEM A PULO KET LIMA (1865).
Daydi a proklamasyon ti nangted iti waya-waya kadagiti tattao nga adipen idiay Estados Unidos. Iti dayd a proklamasyon, naikeddeng met nga amin dagiti nawaya-wayaan nga adipen ket agpalistada nga agserbi iti militar ti Unyon ta idi ket manarimaan ngarud ti Guerra-sibil iti nagbabaetan dagiti militar ti gobyerno ti Estados Unidos ken dagiti nag-alsa a militar ti konpederasyon...."
CONTINUE with PODCAST for the full narrative.
