Misty en Storm neem vir Mia, Caleb en Rikus in. Die Poort is ‘n Eden in die middel van die Karoo met vrugtebome en kamers met krag en sagte beddens. Dis te wonderlik om waar te wees, en dit gee veral vir Rikus ‘n ongemaklike gevoel op die krop van sy maag. Blykbaar is Ruby, die vrou wat Caleb-hulle soek, iewers naby die mense van Die Poort, maar sy bly self nie meer daar nie. Die groot vraag is hoekom nie?
