Zonja betrap Yolanda in die middel van die nag in haar kombuis. Die volgende dag op pad werk toe sê Frankie dat hy die woonstel sal prysgee, maar Zonja weier. Yolanda is terug omdat haar loopbaan oorsee verby is. Aretha is in haar skik met Louis se vordering, maar jaag hom aan om Clara van die modelwerk te vertel. Teen sluitingstyd wil Zonja nie huis toe gaan nie en nooi Frankie vir ete. Aretha maak 'n voorlegging by Mooi Mense om Clara te betrek, maar skrik toe sy besef hoe sterk Louis oor die meisie voel.
