Jeremia 17:5-8 So sê die Here: Daar rus 'n vloek op die mens wat sy vertroue in mense stel, wat sy krag soek by sterflike mense en van My af wegdraai; hy is soos 'n kaal bossie in droë wêreld wat nooit water kry nie; 'n bossie wat in 'n klipwoestyn staan, in 'n brak wêreld waar niemand woon nie. Dit gaan goed met die mens wat sy vertroue in die Here stel, die mens vir wie die Here 'n veilige vesting is; so iemand is soos 'n boom wat by water geplant is en sy wortels na die stroom toe uitstoot, nie die hitte voel as dit kom nie en altyd groen blare het; 'n droë jaar raak hom nie en hy hou nie op om vrugte te dra nie.
Ek veronderstel ons begeer almal dinge wat ons lewens beter kan maak. Ja my vriend, is daar nie maar altyd plek vir verbetering in ons almal se lewens nie? Ons wil sekerlik hê dat meer goeie dinge as slegte dinge oor ons pad kom. Natuurlik is die slegte dinge dikwels onvermydelik ... maar ons soek steeds na die goeie te midde van dit alles, nie waar nie?
Goed of sleg, soveel het te doen met vertroue – of ons nou vertrou op dinge wat ons kan faal, of op iets wat ons nooit sal faal nie. So … kom ons kyk dadelik na God se siening hieroor:
Jeremia 17:5-8 So sê die Here: Daar rus 'n vloek op die mens wat sy vertroue in mense stel, wat sy krag soek by sterflike mense en van My af wegdraai; hy is soos 'n kaal bossie in droë wêreld wat nooit water kry nie; 'n bossie wat in 'n klipwoestyn staan, in 'n brak wêreld waar niemand woon nie. Dit gaan goed met die mens wat sy vertroue in die Here stel, die mens vir wie die Here 'n veilige vesting is; so iemand is soos 'n boom wat by water geplant is en sy wortels na die stroom toe uitstoot, nie die hitte voel as dit kom nie en altyd groen blare het; 'n droë jaar raak hom nie en hy hou nie op om vrugte te dra nie.
Dit is wat God vir sy volk, Israel, gesê het in 'n besonder moeilike tyd in hulle geskiedenis. En waarop kom dit neer?
Menslike krag sal jou faal. Maar God sal nooit nie!
Dis Sy Woord. Vars … vir jou … vandag.
