သတင်းထုတ်လွှင့်ချက် - ( EP - 101 )
မတ်လ ၂၇ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- မိုးညှင်းမှာ တိုက်ပွဲ မဖြစ်ပဲ ရပ်ရွာထဲကို လေယာဉ်နဲ့ ဗုံးကျဲခဲ့သလို မြေပြင်ကနေလည်း လက်နက်ကြီးနှင့် ထုနေတဲ့သတင်း၊ မတ္တရာမှာ ရွာ ၁၀ ရွာကျော် မီးရှို့ခံခဲ့ရပါတယ်။ ကချင်နဲ့ စစ်ကိုင်းအစပ်မှာ ရွာသားတွေကို ရွာထဲမှာ ပိတ်ထားပြီး ပိတ်ဆို့ ဖမ်းဆီးရိုက်နှက်နေပါတယ်။
ကသာခရိုင်မှာ ဒေသခံ တချို့ ဖမ်းခံရပြီး အိမ်တချို့ မီးရှို့ဖျက်ဆီးခံလိုက်ရပါတယ်။ ကြာအင်းဆိပ်ကြီးမှာ စစ်ကောင်စီ စစ်ကြောင်း ကြားဖြတ်တိုက်ခံရပြီး ဒုတပ်ရင်းမှူးအပါ ၁၀ ယောက် လောက် သေဆုံးသွားတဲ့ သတင်းတွေနဲ့အတူ တခြားစိတ်ဝင်စားစရာ သတင်းတွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
