သတင်းထုတ်လွှင့်ချက် - ( EP - 102 )
မတ်လ ၂၈ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ရေဖြူ ရဲစခန်းနဲ့ ဌာနဆိုင်ရာ ရုံးတစ်ရုံး တိုက်ခိုက်ခံရပြီး အမျိုးသမီး ၂ ယောက် ဒဏ်ရာရရှိခဲ့ပါတယ်။ ဧရာဝတီတိုင်းမှာတော့ တပတ်ကို တောဆင်ရိုင်း တစ်ကောင်နှုန်း သတ်ဖြတ်ခံနေရပါတယ်။
ကရင်နီ ပြည်နယ်မှာတော့ စစ်ကောင်စီရဲ့ လက်နက်ကြီးကြောင့် ကရင်နီ စစ်ဘေးရှောင် ၂ ယောက် ဒဏ်ရာရခဲ့ပါတယ်။ ရှမ်းပြည်နယ် မြောက်ပိုင်း လားရှိုးမှာတော့ စစ်ကျန် လက်နက်ကြီးကျည် ပေါက်ကွဲတဲ့အတွက် အရပ်သား ၄ ယောက် ထိခိုက်ပြီး ၂ ယောက် သေဆုံး သွားပါတယ်။ မွန်ပြည်နယ် သံဖြူဇရပ်မှာတော့ ရိုဟင်ဂျာ ၁၅၀ ကျော် ဖမ်းခံလိုက်ရတဲ့ သတင်းတွေနဲ့အတူ တခြားစိတ်ဝင် စားစရာ သတင်းတွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
