သတင်းထုတ်လွှင့်ချက် - ( EP - 107 )
ဧပြီလ ၂၅ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ကချင်ပြည်နယ် ဖားကန့်မှာတော့ စစ်တပ်က ရွာတွေကို မီးရှို့ခဲ့တဲ့အပြင် ရွာသား အယောက် ၁၀၀ ကို လူသားဒိုင်း အဖြစ် ဖမ်းဆီးခေါ်ဆောင်သွားပါတယ်။
ဂေါ်ရန်ဂျီကျွန်းအနီးက ပင်လယ်ပြင်မှာ အသက် ၁၈ နှစ်အောက် ကလေး ၈ ဦး အပါအဝင် ရိုဟင်ဂျာ အယောက် ၇၀ ကို စစ်ကောင်စီက ဖမ်းဆီးလိုက်ပါတယ်။
ရေဖြူမြို့နယ်မှာတော့ ကားမောင်းလာတဲ့ လူငယ်တစ်ယောက်ကို စစ်ကောင်စီကပစ်သတ်လိုက်ပါတယ်။
ကော့သောင်းမှာတော့ စစ်ကောင်စီ လက်အောက်ခံ ပျူစောထီးအဖွဲ့က ခေါင်းဆောင် နှစ်ယောက် ပစ်သတ်ခံရပြီး နောက် ဒေသခံ ၆ ယောက်ကို စစ်တပ်က လာရောက် ဖမ်းဆီးခေါ်ဆောင်သွားတယ်။
သတင်းလွှာထဲမှာတော့ မကြာသေးခင်က စစ်ကောင်စီ အရာရှိတွေ ပစ်သတ်ခံခဲ့ရတဲ့ ကချင်ပြည်နယ်၊ ဖားကန့်မြို့ မရှီကထောင့် ရပ်ကွက်က Happy KTV ရှေ့ လမ်းဘေးမှာ လူငယ်နှစ်ဦး ပစ်သတ်ခံ ထားရတဲ့ သတင်းပေးပို့း ချက်တွေနဲ့အတူ တခြားစိတ်ဝင်စားစရာကောင်းတဲ့ သတင်းတွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
