သတင်းထုတ်လွှင့်ချက် - ( EP - 109 )
ဧပြီလ ၂၆ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- စစ်အုပ်ချုပ်ရေး ကြေညာခံထားရတဲ့ ပုလောမြို့နယ်၊ ပလမြို့မှာ ရပ်ကျေးအုပ်ချုပ်ရေးမှူး ထောက်ခံစာနဲ့ ဆန် ဝယ်ယူ နေရတာကြောင့် အခက်အခဲတွေ ရှိနေပါတယ်။
သရက်ချောင်းမြို့နယ်အတွင်းမှာ စစ်ကောင်စီတပ် စစ်ဆေးရေးဂိတ် ထပ်မံ တိုက်ခိုက်ခံရပြီး အရာရှိတစ် ယောက် သေဆုံးခဲ့ပါတယ်။
သရက်ချောင်းမြို့နယ်ထဲမှာပဲ ရွာသားတွေကို လာဖမ်းတဲ့ စစ်ကောင်စီတပ် မိုင်းဆွဲတိုက်ခိုက်ခံ လိုက်ရပါ တယ်။
လောင်းလုံးမြို့နယ်မှာတော့ စစ်မှုထမ်းဟောင်းတစ်ယောက် နဲ့ ရဲဝန်ထမ်းဟောင်း အပါအဝင် အမျိုးသား ၃ ယောက် ပစ်သတ်ခံလိုက်ရပါတယ်။
သတင်းပေးပို့ချက်ထဲမှာတော့ ကယား(ကရင်နီ) ပြည်နယ်ထဲ စစ်ကောင်စီတပ်က ကရင်နီတော်လှန်ရေး အင်အားစုတွေကို ချေမှုန်းနိုင်ရေး၊ ၂၀၂၁ နဲ့ ၂၀၂၂ တုန်းက ဆုံးရှုံးလိုက်ရတဲ့ နယ်မြေတွေ ပြန်လည်ရရှိနိုင်ရေး အတွက် စစ်အင်အားတွေ အလွန်အကျွံသုံးပြီး မြေပြင်ကရော ဝေဟင်ကနေပါ ထိုးစစ်ဆင်တိုက်ခိုက်ပေမဲ့ အလူးအလဲကျဆုံးပြီး နယ်မြေဆုံးရှုံးမှုတွေနဲ့ ဆက်ပြီးရင်ဆိုင်နေရတယ်ဆိုတဲ့ သတင်းပေးပို့ ချက်တွေနဲ့အတူ တခြားစိတ်ဝင်စားစရာကောင်းတဲ့ သတင်းတွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
