သတင်းထုတ်လွှင့်ချက် - ( EP - 113 )
ဧပြီလ ၂၉ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- တနင်္သာရီတိုင်းမှာ စစ်ကောင်စီက လူငယ် အယောက် ၃၀၀ ကျော်ကို ရေကြောင်းနဲ့ လေကြောင်း သင်တန်းတွေ ပေးအပ်နေပါတယ်။
ရေဖြူမြို့နယ် ကံပေါက်ဒေသမှာရှိတဲ့ နွားမွေးမြူရေးခြံထဲမှာ စစ်ကောင်စီ သတင်းပေး ဒလန်ဆိုသူ သေနတ်နဲ့ ပစ်ခတ်ခံရပြီး သေဆုံးသွားခဲ့ပါတယ်။
ကျိုက်ထီးရိုးတောင်ခြေ ရဲစခန်း ဒရုန်းနဲ့ တိုက်ခိုက်ခံရပြီး မီးလောင်ပြာကျသွားခဲ့ပါတယ်။
သတင်းပေးပို့ချက်ထဲမှာတော့ ကချင်ပြည်နယ် ဖားကန့်မြို့နယ်၊ လဝါးကျေးရွာတွင် အသတ်ခံရတဲ့ ဒေသခံ ၉ ယောက်အတွက် တရားမျှတမှု ရရှိရေး ပူးပေါင်းဆောင်ရွက်ပေးဖို့ အမှုမှန်ပေါ်ပေါက်ရေးကော်မတီက ကချင်လွတ်လပ်ရေး အဖွဲ့ KIO/KIA ကို ထပ်မံ တောင်းဆိုလိုက်တယ်ဆိုတဲ့ သတင်းပေးပို့ချက်တွေကို နားဆင်ကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
