သတင်းထုတ်လွှင့်ချက် - ( EP - 119 )
မေလ ၇ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ပုလောမြို့နယ်မှာ ရွာသားတစ်ယောက် စစ်တပ်က ထောင်ထားတဲ့ မိုင်းနင်းမိပြီး ဒဏ်ရာ အပြင်းအထန် ရရှိခဲ့ပါတယ်။
မွန်ပြည်နယ်မှာ စစ်တပ်က ပစ်ခတ်လိုက်တဲ့ လက်နက်ကြီးကြောင့် ကလေး ၂ ယောက် အပါအဝင် ဒေသခံ ၄ ယောက် ထိခိုက်ဒဏ်ရာရရှိခဲ့ပါတယ်။
မွန်ပြည်နယ်ထဲက အကျဉ်းထောင်တွေမှာ ရာဇသတ်ကြီးပုဒ်မ ၅၀၅-က နဲ့ ပြစ်ဒဏ်ကျခံနေရတဲ့ နိုင်ငံရေး အကျဥ်းသား၊ အကျဥ်းသူ အယောက် ၃၀ ပြန်လည်လွတ်မြောက်လာပါတယ်။
ဘုတ်ပြင်းမြို့နယ်၊ ပြည်ကြီးမဏ္ဍိုင်မြို့ရှိ စရဖ ရုံးကို ဘုတ်ပြင်း - ပကဖအဖွဲ့တို့ ဝင်ရောက်စီးနင်းခဲ့ပြီး စစ်ကောင်စီ သတင်းပေး တစ်ယောက်ကိုလည်း ပစ်သတ်နိုင်ခဲ့ပါတယ်။
သတင်းပေးပို့ချက်တွေထဲမှာတော့ ပူတာအိုမြို့နယ်၊ တန်ဂျာကျေးရွာမှာ ရှိတဲ့ မူလတန်းလွန်ကျောင်း မီးလောင်သွားလို့ ကျောင်းဖွင့်ချိန်အမှီ ကျောင်းဆောင် ပြန်လည်ဆောက်လုပ်နိုင်ရေး ဒေသခံတွေက လိုလားနေ ကြပါတဲ့ အကြောင်း သတင်းပေးပို့ချက်တွေကို နားဆင်ရဖို့ ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
