သတင်းထုတ်လွှင့်ချက် - ( EP - 124 )
မေလ ၁၆ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- စစ်ကောင်စီကို လက်တွေ့ကျပြီး ထိရောက်တဲ့ တိုးချဲ့ပိတ်ဆိုမှုတွေ လုပ်ဆောင်ပေးဖို့ ကုလသမဂ္ဂနဲ့ အာဆီယံ ကို KNU က တောင်းဆိုလိုက်ပါတယ်။
ရခိုင်မှာ မြို့နယ် ၁၇ ခုကို သဘာဝဘေးအန္တရာယ် ကျရောက်တဲ့ ဒေသတွေအဖြစ် စစ်ကောင်စီက ကြေညာ လိုက်ပါတယ်။
KIO ထိန်းချုပ်နယ်မြေထဲက စစ်ဘေးရှောင်စခန်းတစ်ခု မုန်တိုင်းကြောင့် ပျက်စီးမှုတွေ ရှိခဲ့ပါတယ်။
ထားဝယ်စီးပွားရေးဇုံ အနီးကို စစ်တပ်က လေယာဉ်နဲ့ ဗုံးကြဲတိုက်ခဲ့ပါတယ်။
သတင်းလွှာတွေထဲမှာတော့ ၁၇ ကြိမ်မြောက် ကရင်အမျိုးသားအစည်းအရုံး KNU ကွန်ဂရက်အပြီး ထုတ်ပြန် ချက်ထဲမှာ ပါတဲ့အချက်တွေဟာ အပြုသဘောမဆောင်ဘဲ NCA ပြဌာန်းချက်တွေကို ဆန့်ကျင်ပြီး ထိပ်တိုက် ရင် ဆိုင်မှုလမ်းကြောင်းကို ဦးတည်နေတယ်လို့ စစ်ကောင်စီက စွပ်စွဲပြောဆိုလိုက်တဲ့အကြောင်း သတင်းပေးပို့ချက် ကိုလည်း နားဆင်ရဖို့ ရှိပါတယ်။
