သတင်းထုတ်လွှင့်ချက် - ( EP - 127 )
မေလ ၂၄ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ကချင်ပြည်နယ် တနိုင်းမြို့နယ်မှာ ဒေသခံတွေကို စစ်တပ်က လူသားဒိုင်းအဖြစ် ဖမ်းဆီးခေါ်ဆောင်သွားပါတယ်။
ရှမ်းပြည်နယ်မြောက်ပိုင်းမှာ ပဲတန်ချိန် သောင်းချီ ချိပ်ပိတ်ခံရလို့ ယွမ် သိန်းတစ်ထောင်ခန့် ဆုံးရှုံးနေတယ်လို့ ကုန်သယ်တွေကပြောပါတယ်။
KNU တပ်မဟာ ၅ ဖာပွန်(မူတြော်) ခရိုင် အတွင်းက နယ်ခြားစောင့် BGF တပ်စခန်းတစ်ခုကို KNLA က တိုက်ခိုက်သိမ်းပိုက်ခဲ့ပါတယ်။
မြိတ်မြို့မှာ ရာသီပေါ် သီးနှံတွေဖြစ်တဲ့ ဒူးရင်းသီးနဲ့ မင်းကွတ်သီးတွေ အခုနှစ်မှာ ဈေးကောင်းရနေပါတယ်။
သတင်းလွှာတွေထဲမှာတော့ ကချင်ပြည်နယ် မြောက်ပိုင်းမှာ စစ်ကောင်စီတပ်နဲ့ ရဝမ်ပြည်သူ့စစ်ပူးပေါင်းတပ်ဖွဲ့တို့ စစ်ကြောင်းထိုးလာတာကြောင့် ပူတာအို လုံရှာယန်အုပ်စု တန်ဂျာရွာက ဒေသခံတွေလူသားဒိုင်းအဖြစ် ဖမ်းဆီးခံရမှာကို စိုးရိမ်နေကြပါတယ်ဆိုတဲ့အကြောင်း သတင်းပေးပို့ချက်တွေကို နားဆင်ရဖို့ ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
