သတင်းထုတ်လွှင့်ချက် - ( EP - 128 )
မေလ ၂၇ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ကော့သောင်းမှာ ရာအိမ်မှူးနှင့် မီးသတ် တပ်ခွဲမှူး ပစ်သတ်ခံရပါတယ်။
တအာင်းကိုယ်ပိုင် အုပ်ချုပ်ခွင့်ရဒေသဖြစ်တဲ့ နမ့်ဆန်မြို့နယ်မှာ မိုင်းပေါက်ကွဲမှု ဖြစ်ပွားခဲ့ပြီး အမျိုးသားတစ်ယောက် ပြင်းထန်ဒဏ်ရာ ရရှိခဲ့ပါတယ်။
ထားဝယ်ခရိုင် လောင်းလုံး ဌာနဆိုင်ရာ ရုံးတွေပစ်ခံရပြီး၊ လဝက အရာရှိတစ်ဦး အပါအဝင် နှစ်ဦး သေဆုံးခဲ့ပါတယ်။
သတင်းလွှာတွေထဲမှာတော့ မွန်ပြည်သစ်ပါတီ NMSP က NCA အပစ်ရပ် အဖွဲ့တွေရဲ့ ငြိမ်းချမ်းရေး လုပ်ငန်းစဉ် ဦးဆောင်အဖွဲ့ PPST နဲ့ အတူ စစ်ကောင်စီနဲ့ သွားရောက် တွေ့ဆုံမယ့် ငြိမ်းချမ်းရေး တွေ့ဆုံဆွေးနွေးပွဲတွေမှာ ပါဝင် တက်ရောက်မှာ မဟုတ် တော့ဘူးလို့ PPST ကို နေပြည်တော်ကို ပေးပို့တဲ့ စာမှာ ထည့်သွင်းရေးသားထားတဲ့ အကြောင်း သတင်းပေးပို့ချက်တွေကို နားဆင်ရဖို့ ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
