သတင်းထုတ်လွှင့်ချက် - ( EP - 129 )
မေလ ၂၉ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- ပုသိမ်မြို့ အဝေးပြေးကားကြီးဝန်းမှာ မန္တလေးကို ပို့မယ့် ဆင်စွယ်နဲ့ ဆင်သားရေတွေ ဖမ်းဆီးရမိခဲ့ပါတယ်။
လောင်းလုံးမြို့နယ်အတွင်းက ကမ်းခြေရွာတွေကို ခြေလျင်စစ်ကြောင်းထိုးလာတဲ့ စစ်ကောင်စီတပ်ဟာ အရပ်သား ၄၀ ကျော် ဖမ်းဆီးသွားခဲ့ပါတယ်။
ပုလောမြို့နယ် ကဒဲရွာက အလယ်တန်း ကျောင်းအုပ်ဆရာမကြီး တစ်ယောက် နေအိမ်မှာ သေနတ်နဲ့ ပစ်ခတ်ခံခဲ့ရပါတယ်။
လောင်းလုံမြို့ပေါ်ရှိ ရုံးတွေမှာ စစ်ကောင်စီတပ်က သုံးရက်အတွင်း လူ ၇၀ ခန့်ကို ဖမ်းဆီး စစ်ဆေးခဲ့ပါတယ်။
ရှမ်းမြောက်၊ ကွတ်ခိုင်နဲ့ မုံးကိုးဒေသရှိ စစ်ရှောင်စခန်းတွေမှာ စစ်ကောင်စီရဲ့ စစ်ရှောင်စခန်းဖျက် သိမ်းရေး စီမံ ကိန်းကြောင့် လုံခြုံရေးအပြင် ရပ်တည် နေထိုင်စားသောက်ရေး နေ့စဉ် ရုန်းကန်နေရတဲ့ ကာလအချိန်ခါမှာ နေရပ်ရင်းရွာတွေဆီ ပြန်လည်နေထိုင်ဖို့လည်း အဆင်မပြေတဲ့အတွက် သူတို့အနေနဲ့ တစ်စုံတစ်ရာ လုံခြုံမှုရှိနိုင်တယ်လို့ ယူဆရတဲ့ နေရာတွေမှာ ရွှေ့ ပြောင်းနေထိုင်ဖို့ စီစဉ်လုပ်ဆောင်နေကြတဲ့ အကြောင်း သတင်းပေးပို့ချက်တွေကို နားဆင်ရဖို့ ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
