သတင်းထုတ်လွှင့်ချက် - ( EP - 135 )
ဇွန်လ ၂၀ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- တနင်္သာရီတိုင်းမှာ စစ်ရှောင်တွေဆီ ရိက္ခာသယ်ယူပို့ဆောင်နေတဲ့ လမ်းတွေကို စစ်ကောင်စီတပ်က
တင်းကြပ်စွာ စစ်ဆေးနေပါတယ်။
ကွတ်ခိုင်မှာတော့ ရွှေတူးဖော်မှုကြောင့် ဒေသခံတွေ ရေအခက်အခဲနဲ့ ကြုံတွေ့နေရပါတယ်။
မွန်ပြည်နယ် ရေးမြို့နယ်နဲ့ ကျိုက်ထိုမြို့နယ်တွေမှာ လက်နက်ကြီးကျည် ကျရောက်ကွဲခဲ့တဲ့အတွက် အမျိုးသမီး၂ ဦး သေဆုံးပြီး ကလေးအပါအဝင် အရပ်သားပြည်သူ ၄ ယောက် ထိခိုက်ဒဏ်ရာရရှိခဲ့ပါတယ်။
ထားဝယ်မှာတော့ သပိတ်ကော်မတီ ဦးဆောင်သူ ကိုမင်းလွင်ဦးရဲ့ ဖခင်ကို စစ်ကောင်စီတပ်က ဖမ်းဆီးသွားပါတယ်။
သတင်းလွှာတွေထဲမှာတော့ ထိုင်း-မြန်မာနယ်စပ်က ဒေါနိုးကူး ကရင်နီ စစ်ဘေးရှောင်စခန်းမှာ ရိက္ခာ ပြတ်လပ်မှုရှိနေတဲ့အကြောင်းကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
